Американскиот државен обвинител Вилијам Бар нареди формирање работна група за борба против, како што рече, „антивладините екстремисти кои вршат насилство за време на протестите низ целата земја“.
Во меморандумот испратен до полицијата и обвинителството, Бар истакна дека „екстремистите се вклучени во неодбранливи насилнички дела насочени кон поткопување на јавниот ред и мир“, вклучително и напади врз полицајци, уништување имот и закани кон невини луѓе.
Тој додаде дека демонстрантите припаѓаат на голем број идеологии.
Некои се преправаат дека шират порака за слобода и напредок, но всушност тие се сили на анархија, уништување и принуда – изјави Бар.
Протестите што во последниве месеци се одржаа низ САД, иако претежно мирни, во некои случаи стануваа насилни. Затаквото насилство, американскиот претседател Доналд Трамп и неговите соработници ги обвинуваат левоориентираните екстремисти меѓу демонстрантите.
Трамп повика на апсење на демонстрантите вклучени во обидот за уривање на статуата на генералот и поранешен претседател Ендру Џексон во паркот пред Белата куќа.
Ја овластив федералната Влада да го уапси секој што уништува или оштетува каков било споменик, статуа или друг ваков федерален имот во Соединетите Американски Држави и да го казни со казна затвор до 10 години според Законот за зачувување споменици на ветерани или други важечки закони – напиша Трамп на Твитер.
I just had the privilege of signing a very strong Executive Order protecting American Monuments, Memorials, and Statues – and combatting recent Criminal Violence. Long prison terms for these lawless acts against our Great Country!
— Donald J. Trump (@realDonaldTrump) June 26, 2020
