Речиси 50.000 лица протестираа против мафијата во Падова на денот на сеќавањата на жртвите од организираниот криминал на југот во Италија.
Денот на сеќавањето на недолжните жртви на мафијата се одбележува од 1996 година, а централното одбележување годинава се одржа во Падова.
Мафијашките организации се еден од најголемите проблеми во социјалниот живот во Италија.
Илјада млади и претставници на разни здруженија стигнаа во Падова од другите италијански градови, каде што беа прочитани имињата на 111 жртви на мафијата.
На протестите им се приклучи и италијанскиот државен антимафијашки и антитерористички обвинител Федерико Кафиеро де Рахо. Порака упати и италијанскиот претседател, Серџо Матарела, кој порача дека е неопходно да се ослободи општетсвото од мафијата.
