Оштетената црна кутија од украинскиот патнички авион кој иранската против-воздушна одбрана по грешка го собори во јануари годинава, Иран не планира да ја предаде на ниедна друга земја и покрај притисоците од надвор, соопшти Техеран.
Иранскиот шеф на дипломатијата, Мухамед Џавид Зариф рече дека Иран има право да ги надгледува сите истаги.
– Наше право е самите ние да ја анализираме црната кутија, нагласи Зариф.
Тој категорично ја отфрли можноста црната кутија да ја предаде на истражни органи од други земји на анализа бидејќи таа работа е под надлежност на Техеран, пренесе Ројтерс.
Во меѓувреме, иранскиот министер за осбрана Амир Хатами соопшти дека црната кутија претрпела „сериозни оштетувања“ и дека е побарано од стручњаците од воениот комплекс да ја оспособат за анализа на податоците за летот на украинскиот авион.
Министерот за надворешни работи на Иран, Зариф тврди дека, меѓу другото, Иран е во контакт со други земји за истрагата, посебно со Украина.
Сите 175 патници и членови на екипажот загинаа кога против-воздушната одбрана на елитната Револуционерна гарда на Иран по грешка лансираше ракета земја-воздух на украинскиот патнички авион мислејќи дека е во прашање непријателско летало.
