Апликацијата „Мој Воздух“ вечерва покажува дека најголемо присуство на ПМ 10 честички има во населбата Ново Лисиче и кај Ректорат.
Според мерната станица на „Пулс-еко“ мрежата во Ново Лисиче присуството на штетните ПМ 10 честички во воздухот е за пет пати повисоко од највисоката дозволена гранца и изнесува 258 микрограми на метар кубен.
За над нормалното загадување од ваков тип се препорачува избегнување на подолг престој на отворено, а на децата, старите лица и бремените жени не се препорачува да излегуваат надвор без посебна потреба.
Државните мерни станици, поставени кај Ректорат, пак, покажуваат зголемено присуство на ПМ 10 честичките за три пати повеќе од максимално дозволената граница.
Висока концетрација на овие штетни честички, лесни за вдишување, мерните станици покажуваат и во населбата Гази Баба, 11-Октомври како и во Карпош 4 и 2, каде нивото на концетрација на овие честички е двојно повисока.
