Советничката група на ВМРО-ДПМНЕ во Град Скопје реагира на изјавата на Зоран Заев и Петре Шилегов, во однос на отпочнување на активностите за промена на плочки на кеј на Вардар.
Оттаму велат дека Шилего и Заев најавуваат промена на плочки на кеј, како да почнале да градат автопат, сомневајќи се дека организацијата на настанот е веројатно поскапа од самиот проект.
-Никаде ниту на повидок не е тунелот под Кале, или мостовите и булеварите кои ги ветуваше Шилегов. 4 години поминаа, а Скопје не се сеќава на ниту еден проект на Шилегов, само на стоте илјади евра потрошени за новогодишна забава. И наместо да се фати за работа, Шилегов се фали дека ќе менува плочки, реагираат од Советничката група на ВМРО-ДПМНЕ во Град Скопје.
Додаваат дека Заев и Шилегов викнале новинари, куп административци и поставиле лед позадина, како да се почнува капитален проект вреден милиони, а не промена на плочки на кеј, што е редовна задача на градот.
-Доколку Шилегов си останеше на зборот, и не го потроши својот мандат во безделничење и промена на имиња на улици, туку работеше и создаваше, промената на плочки на кеј требаше да се случи во првите два три месеци од неговиот мандат, а не сега на пола година пред избори, се вели во соопштението.
Скопјани го прочитаа Шилегов, и неговата не работа ќе ја казнат на локалните избори на есен.
Поврзани вести
Уште еден спорен тендер: Потрошени 100 милиони денари за одржување на зонскиот паркинг
ВМРО-ДПМНЕ за далоноводот: СДСМ се фали со нешто што не е ни почнато, а требаше да биде оддамна готово
