Вечерва по полноќ градежни активности се одвиваат во скопски Мичурин и со бучава ги вознемируваат жителите на овој познат дел од главниот град на Република С. Македонија.
Ова го потврдува и видеото кое до редакцијата на „Економски Лидер“ го доставија вознемирени граѓани кои не можат да спијат од бучавата.
-Се вратив од втора смена на работа и без затекнат од огромата бучава од градежните машини. Ги прашав работниците зошто градат по полноќ, а тие ми рекоа „Касно ни стигна бетонот“. Ова е неверојатно за град кој претендира да биде престолнина на европска држава. Ново никнатата зграда ја следат серија на скандали, затоа што го блокира и патот до домот на неколку семејства кои живеат тука 70 години. – вели незадоволен Мичуринец за Лидер.
Градењето доцна навечер значи кршење на многу закони во нашата земја, но, очигледно е дека инвеститорите имаат добри релации со општинската власт, која неретко во вакви случаи се скрасува со станови за функционерите.
Поврзани вести
Регионот масовно имунизира, македонските власти не откриваат кога ќе пристигне првата поголема пратка вакцини
Ковид-пациентите ги полнат болниците: Скопје и Прилеп водат по бројот на активни случаи
