Го рушиме Медицинар во Клинички центар за потребите на просторот околу Инфективна клиника.
Го помагаме Министерството за здравство и Клиничкиот центар.
#СедиДома, напиша Шилегов на социјалните мрежи.
Во рамки на активностите за борба против коронавирусот, на барање на Министерството за здравство и Клиничкиот центар „Мајка Тереза“, Град Скопје помогна во рушењето и чистењето на просторот на дел од бараките во рамки на скопскиот студентски дом „Невена Георгиева-Дуња“, познат како „Медицинар“.
Град Скопје потсетува дека во насока на подобрување на пристапноста до Клиничкиот центар „Мајка Тереза“, нивни екипи изминатиот период работеа и во проширувањето и изградбата на посебен влез во Клиничкиот центар за возилата на брза помош и посебен влез кон Универзитетската клиника за инфективни болести и фебрилни состојби.
