Маче се заглави во трансформатор на ЕВН во скопската населба Аеродром, потврдија за Плусинфо од ЕВН.
– Точно е, мачето е внатре, но не може да се лоцира точно каде е. Наша екипа остави храна, па се надеваме на среќен крај. – рече за Плусинфо, портпаролот на ЕВН, Атанас Ковачевски.
Тој упати апел до сите граѓани да не преземаат мерки во свои раце, да не влегуваат внатре и да се обидуваат да го бараат мачето сами, бидејќи навистина е опасно. Посебно, нагласи тој, треба да се внимава деца да не се приближуваат до трансформаторот.
Очевидец претходно рече дека мјаукањето на мачето сѐ послабо се слуша, најверојатно бидејќи е исплашено и гладно.
