„Езерца, клупи, фонтани, зеленило кои на Скопјани треба да му пружат уживање при посетата на најстариот троговски центар во Македонија“. Вака Шилегов вчера се пофали дека зелениот кров на ГТЦ ќе раѓа многу убави спомени за нашите сограѓани.
Но, граѓаните преку социјалните мрежи реагираат дека зелениот кров на ГТЦ не издржа ниту еден ден. Фотографија која се споделува по пат на мрежата твитер покажува дека мермерните плочи не ја издржаа првата прошетка откако зелениот покрив беше пуштен во употреба.
Квалитет на ниво. #ЗеленПокрив pic.twitter.com/uo7enPq3ay
— Marjan Lazarevski (@MLazarevski) November 29, 2019
Синоќа медиумите објавија видео од кое се гледа како прокиснува таванот во трговскиот што се наоѓа токму под зелениот покрив, односно под големата фонтана.
Сумата за зелениот покрив изнесува околу 550.000 евра, а во неа се вклучени и градежните и изолациските работи беше кажано на вчерашното отворање на зелениот покрив на ГТЦ.
