Бугарскиот министер за здравство Константин Ангелов денеска рече ПЦР тест за Ковид-19 ќе биде задолжителен за сите патници за влез во земјата.
Ангелов наведе дека целта на рестриктивните мерки е спречување на нов, позаразен тип на вирусот, откако во Бугарија се регистрирани осум случаи.
– Ќе направиме ПЦР тестовите да бидат задолжителни за сите патници кои влегуваат во земјата, вклучувајќи ги и оние од земјите членки на Европската Унија, најави Ангелов.
Бројот на заболени со ковид-19 во Бугарија е во опаѓање, па затоа и намерата на владата во Софија да ублажи дел од рестриктивните мерки.
