Претседателот на Србија, Александар Вучиќ, изјави дека капацитетите на болниците во Белград се пополнети. Тој истакна дека најголемо оптеретување има во главниот град, каде дневно се примаат 130 пациенти.
-Белград има 22,9 отсто од вкупниот број жители во Србија, а процентот на оние кои се заразени, кои лежат тука, а не се од тука, речиси е 50 отсто, изјави Вучиќ во гостување на РТС.
Тој додаде дека пациентите се упатуваат во белградските болници, како и дека капацитетите се исполнети.
-Во Ниш има околу 65 слободни респиратори. Тие наскоро нема да бидат пополнети, се надевам никогаш, а во Белград пристигаат по 130 пациенти секојдневно. Кога ќе влезете во „Мишовиќ“ вие не излегувате брзо, потребно е време да закрепнете, изјави Вучиќ додавајќи дека на тоа мислел кога изјавил дека привремената болница во Белградскиот саем е најдобра.
Изјавата на српскиот претседател следува откако денеска со одлука на Владата беше испратена инструкција до локалните власти пациентите кај кои е потврден корона вирусот повеќе да не се лекуваат во домашни услови.
