Српскиот претседател Александар Вучиќ, го посети 15. тенковски баталјон на Првата бригада на армијата во касарната во Сремска Митровица, при што присуствуваше на показна вежба на способностите на тенковските единици и на ракетните фрлачи од 128 мм, М77 „Огањ“.
Вучиќ за време на настанот изјави дека земјата сака да ја зачува воената неутралност, безбедноста, стабилноста и мирот, но нагласи дека одбрана е важна,
Затоа, Вучиќ најави дека доколку затреба ќе бидат одвоени дополнителни, досега најголеми финансиски средства за одбранбената индустрија.
Ние сакаме да ја зачуваме воената неутралност, да бидеме свои на своето и не влегувајќи во ничија трка, секогаш да можеме да гарантираме безбедност, стабилност и мир. Колку сте посилни, имате посилно превентивно дејство врз оној кој смета дека може да постигне некои политички цели преку воена агресија – изјави Вучиќ.
