Во медицинските центри во Словенија во текот на изминатите 24 часа се направени вкупно 683 тестови за корона вирус од кои позитивни биле само шест.
Бројот новозаразени е идентичен како ден претходно, а тоа за лекарите е уште една потврда дека ширењето на вирусот во земјата дефинитивно е ставено под контрола и е значително намалено.
Од Ковид-19 болнички се лекуваат вкупно 78 пациенти, а поради потешка форма на болеста на одделенијата за интензивна нега се третираат 24 пациенти.
Изминатите 24 часа како последица од инфекцијата починале уште три лица, а двајца оздравеле.
