Косовската полиција запленила 41 килограм дрога во приштинската населба „Калабрија“, во операција насловена како „Посредникот“, јави дописникот на МИА од Приштина.
Во соопштението на полицијата се наведува дека е уапсено едно лице, кое се сомничи за илегална трговија со наркотици, но не е прецизирано каков вид дрогата е запленета.
Покрај дрогата, запленети се и три возила „голф 5“ со приштински регистарски таблички, пиштол ТТ од југословенско производство со шест куршуми, како и шест мобилни телефони.
Уапсеното лице, по испитувањето, со одлука на обвинителот е пратен во притвор.
