Регион

Во Грција се намалува стапката на невработеност

Во Грција се намалува стапката на невработеност

Стапката на невработеност во Грција во мај падна под 20 отсто, за прв пат од септември 2011 година и изнесува 19,5 проценти на годишно ниво, изјави министерката за труд и вработување, Ефи Ашиоглу.

Грчкиот Завод за статистика соопшти дека во мај минатата година невработеноста изнесувала 21,7 отсто.

„Ова намалување е, без сомнение, охрабрувачки и оптимистички”, кажа Ашиоглу.

Грција и понатаму има една од највисоките стапки на невработеност во Европската Унија (ЕУ), а од 2010 година зависи од меѓународната финансиска помош.