Правилата за однесување на плажа се разликуваат од земја до земја, па така во Грција си важат неколку златни правила кои треба да ги знаете и почитувате, не за друго за да не се посрамите и доведете во тесно.
1. Грчкото крајбрежје и сите плажи на него се јавно богатство, па никој не може ексклузивно да ги користи.
2. Во Грција нема приватни плажи. Ако хотелот е на сама плажа, тоа не значи дека другите туристи од околината не смеат да ја користат истата плажа. Секој хотел е должен да обезбеди наместен премин до „својата” плажа.
3. Помеѓу редовите од чадори и лежалки мора да постои барем 1 метар простор за поминување.
4. Лежалките мора да бидат најмалку 5 метри оддалечени од водата.
5. Рестораните на сама плажа се незаконски изградени објекти.
6. Грците не сакаат бучава на плажа, па дозволена е музика со јачина од максимум 50 децибели.
7. Кучињата се секаде дозволени.
8. Бањањето топлес е забрането. За љубителите на нудизам постојат посебни плажи.
