Стотици мигранти заглавени во Грција се упатиле на границата со Македонија, барајќи да им биде дозволено да отпатуваат за северна Европа.
Помали групи луѓе, вклучувајќи и деца поставиле шатори во близина на мигрантскиот камп во близина на Солун.
Новинската агенција „Ројтерс“ јавува дека имало и турканици со полицијата. До ова веројатно доаѓа по наводите на социјалните медиуми за организирано заминување на мигрантите од Грција кон Европа.
УНХЦР предупреди дека станува збор за лажни вести и шпекулации.
