Големото невреме, проследено со силен ветер што го погоди хрватското крајбрежје продолжува да предизвикува огромни проблеми во поморскиот и копнениот сообраќај. Невремето почна вчера, а метеоролозите најавуваат дека непогодата ќе продолжи во текот на денешниот ден и утре.
Во прекин се бројни траектни, бродски и катамарански линии – од северен Јадран до Дубровник, јави Индекс. Поројниот дожд ги поплави крајбрежните шеталишта, а црвен аларм е во сила за подрачјето на Истра и Лика и Горски Котор.
Хрватски авто-мото сојуз информира дека поради силниот ветер на некои патишта сообраќајот е ограничен само на патнички, додека на камионите и автобусите им е забрането движење.
