Словенечките крајбрежни градови Пиран, Изола и Копар се соочија со поплави поради обилните дождови и комбинацијата на циклон, јужен ветер и полна Месечина, што предизвика исклучително висока плима.
Според неофицијални информации, нивото на морето ја достигна втората највисока точка во последните 50 години.
Словенечката новинска агенција СТА објави дека нивото на водата во одредени делови достигна 60 сантиметри, а најлоша состојбата е во Изола.
Major flooding in Piran, Slovenia this evening associated with intense southerly winds from the cyclone over the Mediterranean and high tide! Notice the person walking in deep water. Video by Bojana Francuz pic.twitter.com/Eu3UkjZ13y
— severe-weather.EU (@severeweatherEU) November 12, 2019
Според податоци на копарската Служба за мерење на плимата, нивото на плимата достигна 373 сантиметри, што Агенцијата за заштита на животната средина го нарече редок феномен. Пожарникарите цела ноќ поставувале бариери за да го спречат понатамошното ширење на водата.
Обилниот дожд и ветерот предизвикаа проблеми и во другите делови од земјата, посебно во североисточниот и западниот дел на Словенија.
