Агенцијата за управување со вонредни ситуации на Турција (АФАД) соопшти дека во Албанија ќе испрати екипа за поддршка на операциите за пребарување и спасување по земјотресот што ја погоди земјата рано утрово, јави агенцијата Анадолија.
– Во Албанија ќе испратиме три возила, екипа од Министерството за здравство и еден авион кој припаѓа на Генералштабот, за поддршка на акциите за пребарување и спасување во Албанија по земјотресот, се вели во соопштението на АФАД.
Албанија, во раните утрински часови беше погодена од силен земјотрес во кој загинаа најмалку девет лица, стотици се повредени, а предизвикана е и материјална штета во повеќе градови низ земјата.
