Откако секојдневно се регистрираат повеќе од 90 нови случаи на заразени со корона вирусот, српскиот кризен центар усвои нови мерки за борба против Ковид-19.
Според новите мерки, Клиничкиот болнички центар „Бежаниска коса“ станува специјализирана болница за лекување на пациенти заразени со корона вирусот, а таа цел ќе ја има и Клиниката за белодробни заболувања во Ниш.
Центарот утврди и дека од денеска е задолжително носењето маски на сите јавни затворени места, почнувајќи од јавниот превоз до продавниците, маркетите, рестораните, државните институции и слично.
Повторно е намален и дозволениот број на луѓе во затворен простор.
