Регион 08. March 2019. / 15:36

Србија бара ЕУ да го исфрли Бриселскиот договор од поглавјето 35 во пристапните преговори

Србија бара ЕУ да го исфрли Бриселскиот договор од поглавјето 35 во пристапните преговори

Српската министерка за евроинтеграции Јадранка Јоксимовиќ оцени дека ако Европската унија, како посредник и гарант, го прифати актуелниот однос на Приштина кон дијалогот и Бриселскиот договор, очекува од Европската комисија да го испразни поглавјето 35, која го следи спроведувањето на тој документ, да го испразни од дополнителна содржина и да остане како и за другите земји поврзани со таканаречените „други прашања“.

Јоксимовиќ истакна дека со сегашната содржина поглавјето 35 повеќе не може делотворно да се надгледува.

Затоа, на никаков начин не може да биде услов за продолжување на нашиот процес на преговори за пристапување и отворање на други поглавја, истакна Јоксимовиќ на прашањето на Танјуг како влијае платформата од Приштина врз процесот на преговори на Србија со ЕУ.

Според неа, по таквата платформа која недвосмислено го негира Бриселскиот договор, „нема повеќе што да се следи, бидејќи една од страните, односно Приштина, јасно рече дека не ги почитува и нема намера да го спроведе Бриселскиот договор“.