Полуматурантите во Словенија годинава, за првпат откако е воведен, нема да го полагаат државниот испит.
Како што најави словенечката министерка за образование, Симона Кустец, ваквата одлука е донесена поради прекинот на образовниот процес предизвикан од епидемијата на корона вирусот.
Што се однесува до полагањето на матурата, засега е донесена одлука таа да се одложи за еден месец, па така наместо 5 мај, ќе се одржи на 1 јуни за писмениот и 14 јуни за усниот дел.
Заводот за образование на Словенија на наставниците и професорите им даде и насоки како да го оценуваат учениците, имајќи во предвид дека образовниот процес продолжи во домашни услови.
Засега не се знае дали и кога ќе продолжи редовната настава, а некои предвидувања се дека оваа учебна година е веќе изгубена, а учениците во школските клупи ќе седнат дури до септември.
