Регион 15. април 2020. / 11:28

Словенците не мора да носат заштитни ракавици во продавница: Останатите мерки остануваат на сила

Словенците не мора да носат заштитни ракавици во продавница: Останатите мерки остануваат на сила

Словенечката Влада донесе одлука да ја укине обврската со која граѓаните мораа задолжително да носат заштитни ракавици кога влегуваа во продавниците и маркетите.

Со новата одлука маркетите за храна, аптеките и поштите ќе мораат да обезбедат средство за дезинфекција на рацете кое ќе го употребуваат граѓаните пред влегувањето во овие објекти.

Сепак останува и понатаму да важи одлуката за задолжително носење заштитна маска или шал околу пределот на устата и носот, со цел, како што велат од Министерството за здравство, да се намалат шансите за пренесување на коронавирусот.