Силно невреме попладнево зафати делови на Хрватска и на Србија, проследено со обилни дождови и со грмотевици.
Делови од Хрватска биле погодени од поројни дождови и врнежи со силни налети на ветер. Невремето прво зафатило дел од северниот Јадран, а потоа и Горски котор и Лика, од каде се проширило кон внатрешноста и истокот на земјата.
Град паѓал во Стариград, а биле регистрирани обилни дождови и на Истра, како и во делови на Далмација. На подрачјето на Дубровник попладнево имало невреме со грмотевици.
Невреме го погоди и западниот дел на Србија и главниот град Белград. Републичкиот ходрометеоролошки завод издаде предупредување за временска непогода и за можност за излевање на реките.
Поради лошото време, има црвен метео- аларм за Војводина, Белград, Западна Србија, Шумадија и Поморавље.
⛈️ Grmljavinsko nevrijeme u Dubrovniku i na Viru, pijavica kod Cresa: https://t.co/zxw2SqDhqj pic.twitter.com/omv8kerFZm
— HRT vijesti (@hrtvijesti) August 18, 2020
