Регион

Шестмина повредени во тепачка на мигранти во грчки камп

Шестмина повредени во тепачка на мигранти во грчки камп

Шест лица се повредени, а четири се уапсени во тепачка што се случила во мигрантски камп во Солун, соопшти грчката полиција.

До тепачката дошло синоќа во кампот „Лагадикија“ и во неа учествувале 250 мигранти од Сирија и Алжир.

Според наводите на сириските мигранти, група Алжирци вознемирувале една Сиријка, а тепачката набргу се проширила во целиот камп.

Учесниците во тепачката користеле ножеви и штици.

Зголемениот прилив на мигранти и бегалци од Турција на североисточниот брег на Грција предизвика пренаселеност во камповите на северот во Грција.