Во Грција потврдени се вкупно 117 позитивни случаи на коронавирусот, од кои 34 се хоспитализирани. Две лица, мајка и дете во Солун кои беа и првите заболени, денеска се пуштени од болница, соопшти претставникот за Ковид-19 од Министерството за здравство на Грција, професорот Сотирис Циодрас.
Паралелно, на прес конференцијата одржана попладнево, беше соопштено дека надлежната комисија во Министерството за здравство решила во следните 15 дена да се затворат судовите, кината, театрите, ноќните клубови, фитнес центри, како и детските игралишта со лулашки.
.
