Договорот за економска нормализација потпишан во Белата куќа не е прифатлив за Движењето Самоопределување, кое побара Собранието да се спротивстави за негова имплементација.
Членовите на партијата на Албин Курти сметаат дека овој договор ѝ го отвора патот на Србија во Вашингтон.
Во објава на официјалната страница на Фејсбук, тие посочуваат дека договорот е неуспех и недостојна презентација, бидејќи на состанокот се заминало „без стратегија, без план и без цели“.
„На овој договор мора да му се спротивстави Собранието на Косово, во спротивно ќе доведе до други, дури и поопасни пропусти. Договорот ја приближува Србија до Косово, додека признавањето од Србија не се приближува“, соопшти Самоопределување.
