Премиерот на Албанија, Еди Рама изјави дека очигледно Европската Унија нема ниту волја, ниту капацитет во дијалогот со Белград и Приштина да биде решено косовското прашање, но и дека ЕУ често не си го одржува зборот, пренесе „Танјуг“.
Рама забележува дека ЕУ е далеку од решавање на косовското прашање.
–Интересирањето на ЕУ за ова прашање е значајно намалено и верувам дека тоа им е јасно на сите, особено по одлуката на Европската Комисија од 18 октомври – изјави Рама.
Помина долго време, вели Рама, а ЕУ повеќе не го споменува „случајот Косово“.
–Постојат случаи кога ЕУ не е доследна на својот збор, а случајот Косово е еден од најважните примери што покажуваат дека на Брисел му недостига капацитет да си го одржи зборот – истакна Рама.
