Рама и Курти разговарале за координација на албанската и косовската влада

Албанскиот премиер Еди Рама оствари средба со лидерот на Движењето „Самоопределување“ и иден премиер на Косово Албин Курти.

Средбата траела  неколку часа, а како што напиша Рама на Фејсбук, тие двајца разговарале за многу прашања околу унапредувањето на соработката, како и за координацијата на двете влади.

Ова е прва средба на Курти со Рама по победата на неговата партија на предвремените парламентарни избори, што во Косово се одржаа на шести октомври.

Во рамки на средбата, Рама и Курти се сретнале и со дел од екипата што во Албанија го снима филмот „Милошевиќ и јас”. Станува збор за комедија, во косовско – француска копродукциј, во режија на приштинскиот режисер Арбен Кастрати, а во кој настапува познатиот француски актер Жерар Депардје.