До крајот на пандемијата, во Грција ќе има две категории туристи – оние кои биле вакцинирани и оние кои не се, најави грчкиот министер за туризам, Харис Теохарис.
Тој во интервју за агенцијата АПЕ-МПЕ нагласи дека вакцинираните патници повеќе нема да мора да бидат тестирани или да им биде одредуван карантиран ако покажат потврда за вакцинација при влез во земјата.
Секој што е вакциниран во Грција ќе добие дигитален сертификат, а повеќето европски земји планираат да воведат слични сертификати.
– Веќе се разговара за заемно признавање на ваквите сертификати, помеѓу земјата на поаѓање и дестинацијата, вели Теохарис.
Το 2021 θα συνεχίσουμε σε ακόμη πιο εντατικούς ρυθμούς την εφαρμογή του στρατηγικού μας προγράμματος. Θα συνεχίσουμε τη στήριξη των εργαζομένων&των επιχειρήσεων με μέτρα έκτακτης ανάγκης και θα επιταχύνουμε τα έργα υποδομής &την ποιοτική αναβάθμιση του τουριστικού μας προϊόντος. https://t.co/FG9jHtfy1O
— Harry Theoharis (@htheoharis) January 9, 2021
За оние кои не биле вакцинирани, мерките за контрола на границата ќе бидат зголемени, додаде тој, истакнувајќи дека постои сеопфатен план за поддршка на компаниите и работниците погодени од епидемиолошката криза.
– Вакцинацијата има директно позитивно влијание на две нивоа. Прво, грчките граѓани, а особено најранливите, ќе бидат побезбедни. Економската активност постепено ќе се врати на вообичаеното темпо. Второ, вакцинацијата ќе создаде клима на оптимизам и тоа ќе се рефлектира во резервациите на туристите од земји за кои сме заинтересирани, како Германија, Велика Британија, Франција, Италија, истакнува Теохарис.
Веројатноста вакцинираните лица да заболат од коронавирус е многу мала, објаснува грчкиот министер, а поради тоа земјата не планира да ги тестира туристите или пак да карантинира. За оние туристи кои не биле вакцинирани, мерките ќе зависат од текот на вакцинацијата и епидемиолошката состојба во земјите од каде доаѓаат.
