Непознати лица предизвикале материјална штета и уништиле храна собрана од волонтери како помош за две невладини организации, во напад на канцелариите на Нова демократија во западниот дел на Атина.
Од партијата коментираат дека дури и во пресрет на Божиќ, некои луѓе не можат да ја скријат нивната омраза.
– Не е само дека предизвикаа голема материјална штета. Овој пат нивната омраза ја насочија кон нашите сограѓани, бидејќи уништија храна собирана од волонтери наменета за „Насмевката на детето“ и Фондацијата Христодулио. Веруваме во светите денови и им посакуваме и нив, како и на сите, честит Божиќ – пишува во соопштението од Нова демократија.
