Дом за стари лица во областа Неа Макри во источниот дел на регионот Атика, е ставен во карантин по наредба на заменик-министерот за цивилна заштита Никос Хардаљас откако било потврдено присуство на Ковид-19. Најмалку десет лица сместени во домот и двајца вработени се позитивни на корона вирусот.
Од Генералниот секретаријат за цивилна заштита соопштија дека одлуката за ставање на Домот за стари лица во карантин е донесена по добиените резултати од 122 анализирани примероци.
Откако претходно бил потврден еден позитивен случај, претставници од Националната организација за јавно здравје на Грција извршиле проверка на сите вработени и сите сместени лица во домот.
