Шест лица се повредени, а четири се уапсени во тепачка што се случила во мигрантски камп во Солун, соопшти грчката полиција.
До тепачката дошло синоќа во кампот Лагадикија и во неа учествувале 250 мигранти од Сирија и Алжир.
Според наводите на сириските мигранти, група Алжирци вознемирувала една Сиријка, а тепачката набрзо се проширила низ целиот камп.
Учесниците на тепачката користеле ножеви и даски.
Зголемениот прилив на мигранти и бегалци од Турција на североисточниот брег на Грција, предизвика пренаселеност во камповите на северот во Грција.
