Грчкиот премиер Кирјакос Мицотакис, Министерството за надворешни работи на Грција, како и лидерот на СИРИЗА, Алексис Ципрас, изразија солидарност и поддршка за Франција по терористичкиот напад во Ница.
Длабоко шокиран од терористичкиот напад во Ница. Целосна солидарност за Франција. Обединети сме – порача Мицотакис на „Твитер“.
Солидарност до францускиот народ и француската Влада изразија и шефот на грчката дипломатија Никос Дендиас, како и Министерството за надворешни работи на Грција.
Обединети сме против насилството и омразата – напиша Дендиас на неговиот „Твитер“ профил.
Лидерот на СИРИЗА Алексис Ципрас исто така изрази солидарност до францускиот народ.
