Кандидат за нов косовски премиер од Демократскиот сојуз на Косово (ЛДК) ќе биде досегашниот премиер Авдулах Хоти, изјави денеска претседателот на партијата, Иса Мустафа.
Мустафа изјави дека тоа е одлука на претседателството на партија и додаде дека во ЛДК вооошто не се разгледувал профил на друг кандидат, пренесува Коха.
Изборите треба да се одржат на почетокот на следната година, и дотогаш Хоти ќе остане премиер.
Мустафа и посака среќа на изборите и на поранешната претседателка на партијата и актуелна в.д. претседателка на Косово, Вјоса Османи, која на изборите ќе излезе со своја листа.
