Претседавачот на Претседателството на БиХ, Жељко Комшиќ, од Љубљана порача дека, ако работите се одвиваат како што треба, влада на државно ниво во БиХ ќе се формира пред Нова година.
– Се очекува БиХ да има нов Министерски совет формиран на крајот на оваа година или на почетокот на следната … Јас сум оптимист дека ќе ја завршиме оваа работа како што беше планирано – изјави Комшиќ на заедничката прес-конференција по разговорите со словенечкиот претседател Борут Пахор.
Комшиќ, Шафик Џаферовиќ и Милорад Додик престојуваат во дводневна официјална посета на Словенија.
