Во Србија годинава, поради пандемијата со корона вирус нема да има организиран пречек на Новата Година.
Кафулињата, рестораните и останатите угостителски објекти на 31. декември и 1. јануари ќе работат до 18 часот, додека продавниците и трговските центри ќе бидат отворени до 20 часот.
Одлуката е донесена синоќа, како што пренесуваат медиумите, едногласно од страна на кризниот штаб за справување со коронавирусот, а за денеска е закажана седница на Владата на која овие мерки ќе бидат усвоени.
Освен овие промени, досегашните мерки ќе важат до 11.јануари, што значи дека на 29. и 30. декември се ќе работи до 20 часот како и од 2. до 11. јануари, одлучил кризниот штаб.
Во последните 24 часа 11.190 граѓани биле тестирани на коронавирус во Србија, од кои 2.559 биле позитивни на вирусот. Починале 43 лица. Има и 288 пациенти на респиратори во болниците низ Србија.
