Хрватска се приклучува кон земјите кои привремено го прекинуваат воздушниот сообраќај со Велика Британија поради појавата на нов вид коронавирус, потврди премиерот Андреј Пленковиќ на Твитер.
– Со оглед на новите откритија за побрзиот интензитет на ширење на # COVID19 во Велика Британија, Хрватска привремено ќе го прекине воздушниот сообраќај на патниците од Велика Британија за 48 часа, сè додека не бидат наведени информации за евентуален нов вид на вирус. Приоритет е да се заштити здравјето на граѓаните, напиша Андреј Пленковиќ .
S obzirom na nova saznanja o bržem intenzitetu širenja #COVID19 u Ujedinjenoj Kraljevini, 🇭🇷 će iz mjere opreza privremeno obustaviti putnički zračni promet iz 🇬🇧 na 48 sati, dok se ne preciziraju informacije o mogućem novom soju virusa. Prioritet je zaštita zdravlja građana.
— Andrej Plenković (@AndrejPlenkovic) December 20, 2020
Покрај Хрватска, и Франција од недела на полноќ ќе ги прекине сите патувања, вклучително и транспортот на стока по пат, авион, море или железница, објави владата во Париз.
