Косовскиот претседател, Хашим Тачи, изјави дека ќе даде оставка доколку Специјалниот суд го потврди обвинението за воени злосторства и злосторства против човештвото против него и Кадри Весели.
Во видео обраќање до граѓаните на Косово, Тачи изјави дека е фер да се расветли секој сомнеж и секое обвинување за воени злосторства од кој било и каде и да се случило.
Можно е да сум направил грешки во мир, но никогаш и воени злосторства – изјави Тачи.
Специјалното обвинителство во Хаг поднесе предлог обвинение против косовскиот претседател и други лица за воени злосторства и злосторства против човештвото. Тие се обвинети за скоро сто убиства.
