Грчката претседателка, Катерина Сакеларопулу, грчкиот премиер, Кирјакос Мицотакис и министерот за надворешни работи, Никос Дендиас, преку нивните официјални Твитер профили, упатија честитки до новиот претседател на САД, Џо Бајден и потпретседателката, Камала Харис и изразија надеж за дополнително зајакнување на пријателството и соработката меѓу двете земји и двата народа, јави дописничката на МИА од Атина.
Портпаролот на грчката Влада, Христос Тарандилис на денешниот редовен брифинг со новинарите рече дека се надеваат на соработка и интензивно присуство на САД во регионот и додаде дека Бајден е „претседател на САД кој одлично ги познава прашањата поврзани со регионот”.
– Владата му честита на новиот претседател на САД Џо Бајден и јасно е дека сака дополнително да ги продлабочи билатералните односи во корист на двете земји и на двата пријателски народа, како и да обезбеди мир и стабилност во нашиот регион, рече Тарандилис.
A new era of hope for the United States of America! Congratulations to President @JoeBiden and Vice-President @KamalaHarris. We look forward to further strengthening our friendship and cooperation. https://t.co/KdJG5Pen0C
— President GR (@PresidencyGR) January 20, 2021
