Во Албанија пристигнаа првите туристи оваа сезона, со што официјално се означи отворањето на земјата по пандемијата на Ковид-19.
На меѓународниот аеродром во Тирана, слета авион на компанијата „Белавија“ со 198 туристи од Белорусија.
Ова е прв чартер лет во Европа, многу добро е што почнаа од Албанија. Тоа се туристи од Белорусија, а очекуваме и од Украина, Полска и другите балтички земји за да имаме стабилна сезона во Албанија – изјави министерот за туризам Бленди Клоси, заблагодарувајќи се на компанијата што се согласила да има три чартер летови неделно во Албанија.
First 189 tourists from Belarus arrived in #Tirana airport. #Albania is a safe country to travel #visittirana #COVIDfree pic.twitter.com/Q6h86WnQAg
— Visit Tirana (@VisitTirana) June 12, 2020
Аеродромот во Тирана функционираше и за време на пандемијата, но само за летови со граѓани затекнати во други земји и хуманитарна помош, а не и за туристи.
Албанија во моментов има отворени граници со сите земји во регионот, а е затворена за другите европски земји до први јули, кога Унијата ќе донесе друга одлука врз основа на епидемиолошката состојба со корона вирусот.
Во понеделник, на 15 јуни ќе се реализира и првиот авиолет Тирана-Атина.
Поради пандемијата, Албанија на 10 март го прекина авионскиот и поморскиот сообраќај кон сите земји.
