Делегација на Владата на Грција која ја предводи министерот за одбрана Никос Панајотопулос од утринава е на Халкидики за да ја утврди штетата од поплавите во последните 24 часа на тој полуостров и на блискиот остров Тасос.
Од невремето штета има на земјоделските површини и во некои села, пренесуваат грчките медиуми. Во осум селски месни заедници на југот од Тасос и во две општини во Кавала, на копно, синоќа било прогласена вонредна состојба.
Поплавени се селските улици и локалните патишта, а ветерот однел и неколку паркирани автомобили.
Пожарникарите синоќа ги евакуирале жителите во еден дел од Тасос, на 17 места испумпувале вода од подрумите и отстранувале паднати дрва на патиштата.
Катимерини утринава објави и фотографии од плажите на Халкидики и Тасос кои изгледаат „како бомбардирани“.
V
Χαλκιδική: εικόνες χάους αντίκρισε το κυβερνητικό κλιμάκιο (εικόνες)
======https://t.co/4oVxB6OWAx pic.twitter.com/sDbWMTs58R— Επικαιρότητα – V – News (@triantafyllidi2) November 23, 2019
