Турција постигна голем напредок во развивањето на вакцината против вирусот корона, рече турскиот претседател Реџеп Таип Ердоган.
На церемонијата на Научниот и технолошкиот совет на Турција, Ердоган рече дека државата успеала во тоа со соработка на приватниот сектор и универзитетите.
„Турција стана трета земја во светот, по Соединетите држави и Кина, која започна да ја развива вакцината. Овие се податоци на Светската здравствена организација“, изјави Ердоган
Ердоган вели дека во моментот се развиваат осум различни видови вакцини и десет медицински проекти, дека е завршено тестирање на два вида вакцини врз животни и дека е одобрено тестирање врз луѓето за еден од нив.
