Во два различни случаи, двајца мигранти си ги одзеле животите со бесење, во близина на Кукуш, каде што биле сместени во хотели заедно со уште други 350-400 лица.
За самоубиствата на двајцата мажи на околу 30-годишна возраст, соопшти грчкиот форум на бегалци, односно мрежата на бегалски организации и заедници во Грција, а веста ја објавија и грчките медиуми.
– Првиот, со африканско потекло, татко на две деца, 32-33 годишен, беше пронајден обесен на мост кај хотелот. Вториот, со потекло од Ирак, околу 30 години, го пронајде неговиот цимер, обесен во ходникот на хотелот – соопштија од грчкиот форум на бегалци.
Според грчката новинска агенција АНА-МПА, полицијата врши истрага за смртта на двајцата баратели на азил.
