Бројот на жртвите од Ковид-19 во Грција се искачи на четири лица, откако рано утрово, 53-годишен маж почина во болницата во Солун.
Според грчките медиуми, станува збор за лице кое работело во болницата во градот Касториа (Костур), во микробиолошката лабораторија и имал здравствени проблем.
Во понеделникот бил примен во болницата во Козани, во вторникот здравствената состојба се влошила, бил приклучен на апарати и со тешка пневмонија префрлан во болницата АХЕПА во Солун, каде што рано утрово почина.
Вчера беа потврдени два смртни случаи на коронавирусот во Грција, една лице на Закинтос и еден во градот Птолемаида, додека пак првата жртва беше потврдена во четвртокот во градот Патра.
Бројот на потврдени случаи на коронавирусот во Грција, заклучно со вчера попладне е 228 лица, од кои 57 се хоспитализирани.
