Министерството за внатрешни работи вчера проверувало дали полициското одделение во Арачиново има списи за казни. Од МВР утврдиле дека полицајците немаат задолжено, дознава „Макфакс“.
Иако побаравме одговор, МВР молчи за скандалот во полициското одделение. Полицаецот Дејан Саздов, вработен во ПО Арачиново, за „Макфакс“ вели дека по наредба на високи функционери од МВР, било забрането да ги добиваат казните. Според него, оваа практика со незадолжување списи е со години, односно по повторното отворање на одделението во Арачиново.
