Деновиве на неколку македонски возила во некои туристички места во северна Грција беа залепени налепници до следнава содржина: „Ти не си Македонец, ти си Словен, Македонија е грчка“. По оние официјални налепници кои грчките цариници сѐ уште ги лепат (не на сите возила, со многу помала фрекфенција од порано, и со многу послаб лепак) на возилата на македонските туристи кои одат на одмор во Грција, ова се некои нови „обележувања“ кои некои Грци посакуваат да ги истакнат.
Очигледно е дека и покрај сѐ што се случува на политичката сцена во однос на македонско-грчките односи, ваквите работи уште долго време ќе бидат дел од нашиот „фолклор“.
