Премиерот Зоран Заев денеска ќе биде почесен гостин на дебатата што ја организира Атланскиот совет. Дебатата ќе ја модерираат, Лорд Џорџ Робертсон, поранешен генерален секретар на НАТО и Дејмон Вилсон, извршен потпретседател на Атланскиот совет.
Како што соопштија од владината прес-служба, дебатата на тема „Северна Македонија на прагот на Европа“ на која меѓу другото ќе се разговара и за темите околу приоритетите во борбата со КОВИД-19 и прогресот на земјата кон ЕУ и патоказот за реформи ќе може да се следи во живо на фејсбук страната на премиерот Заев или ТУКА.
