Техничкиот премиер Оливер Спасовски на својот фејсбук профил сподели спот со кој на граѓаните им се објаснува како да се грижат за своето ментално здравје за време на кризата предизвикана од корона вирусот.
Во спотот има шет препораки за граѓаните како да го направат тоа. Првата е да го ограничат времето за информирање и следење вести, втората е да имаат дневен план и распоред на активности, а третата е да се релаксираат и да негуваат позитивни чувства.
Со четвртата препорака им се сугерира на граѓаните да практикуваат физичка активност, со петтата да се хранат здраво, а со шестата да одржуваат постојан контакт со блиските.
